Motorola ndahet në dy kompani

Duket se presionet e aksionarëve kanë pasur efekt, prandaj Motorola amerikane, njësia e prodhimit të celularëve e së cilës është në probleme të mëdha financiare, është duke u ndarë në dy kompani.

Në lidhje me këtë mundësi patëm shkruar edhe më herët, edhe pse është dukur bukur qartë që Motorola do të shes njësinë e saj për prodhimin e celularëve, megjithatë nuk duket se është gjetur blerësi.

Motorola është duke u ndarë në dy kompani të cilat do të paraqiten ndarazi në bursë: Motorola Mobile Devices, e cila do të merret me prodhimin dhe dizajnin e celularëve, si dhe Motorola Broadband & Mobility Solutions, e cila do të merret me teknologjinë wireless dhe bartjen e videos, zërit dhe të dhënave nëpërmes rrjetit.

Natyrisht, drejtori ekzekutiv i Motorolas, Greg Brown, ka tentuar të paraqesë këtë si një lëvizje pozitive, e cila do t’i mundësojë “fleksibilitet më të madh” të dyja kompanive, mirëpo të gjithë e kanë të qartë se njësisë së Motorolas edhe më tutje nuk po i shkruhet mirë në rast se nuk arrijnë të përmirësojnë profitet.
__________________

Thnx Man Per Ket huaha normal qi ndahen