Celularët e Motorolas me të ardhme të dyshimtë

Disa javë pasi që Motorola ka publikuar raportet financiare dhe ka vërtetuar se është duke menduar për të ardhmen e njësisë së saj për telefona celularë, edhe vet shefi i kësaj njësie ka dhënë dorëheqje.

Stu Reed, presidenti i deritanishëm i njësisë së Motorolas për pajisje mobile, ka deklaruar se largohet nga kompania, derisa trashëguesi i tij ende nuk është bërë i njohur.

Një ditë më herët Motorolan e ka lëshuar edhe Casey Keller, shef i njësisë për marketing dhe personi përgjegjës (shumë i suksesshëm) i cili është bërë i njohur për brendet e celularëve të Motorolas, të cilin mund të falënderojmë për emërtimet siç janë RAZR, RIZR, ROKR, PEBL dhe të ngjashëm.

Krejt këto na shtynë të mendojmë se edhe në Motorola ndoshta edhe e dinë se me prodhimin e celularëve gjërat kanë marrë fund, si dhe që ekzistojnë gjasa reale që tërë njësinë ta blejë ndonjë gjigant aziatik.

Thnx Man Per Ket